كيف تذاكر الكيمياء ثلاث ثانوى وتضمن الدرجة النهائية...
1 - هتمسك الدرس تقرأه بعد ما فهمته من مدرسك و تنظمة بطريقتك اللي تثبت المعلومة في دماغك
》مثلا هتلاقي خواص الحديد النقي بدا ما هي مكتوبة بشكل مرسل خليها علي شكل نقاط ١ ، ٢ ،٣ ،٤
》و مثلا في التحليلية الكتاب ماشي الملح + الكاشف بعد كدا الناتج اقلب انت الموضوع اشتغل علي النواتج كانك بتكشف عنها في المعمل يعني مثلا لو طلعلك CO2 يبقي يا كربونات يا بيكربونات طب اميز ازاي بينهم يبقي التفاعل مع كبريتات الماغنسيوم تقريبا لو الراسب علي البارد يبقي كربونات لو بعد التسخين يبقي بيكربونات- المهم شوف الطريقة اللي تخلي الدرس يثبت في دماغك و اعملها
2 - بعد كدا حل و كتاب الامتحان مفيش افضل منه هتقف قدامك حاجات و دا طبيعي اوي هتفكر كويس اوي بعد كدا تلجأ للاجابات بس تفهم انت بتجاوب ازاي
○ و اللي فهمته طلعه في كشكول و اكتب تحتيه شرح ليه عشان لما تبص فيه تاني تفتكره متعيدش الموضوع من الاول
○ و اللي مفهمتهوش اسال فيه حد يفهمهولك(مدرسك او زميلك )و بعد كدا ارجع اكتبه في الكشكول زي اللي فات
3 - بعد كدا لازم تمشي مراجعة مع التقدم في المنهج
》 يعني و انت بتذاكر عضوية هات معاها حاجة من الانتقالية و لما تمشي في الكهربية هات معاها حاجة من التحليلية
4 - و المعادلات تجمعها كلها كل باب و فيه معادلاته موزونة و كل مركب مكتوب تحتيه اسمه بالعربي
5 - اعمل قاموس صغير (خصوصا في العضوية) اكتب المركب و صيغته الجزيئية و البنائية و اسمه بالعربي و اهم خواصه او تفاعلاته
6 - اعمل مقارنات بين الحاجات المتشابهة (خصوصا في العضوية لأنها كتير شوية)
7 - الكهربية جمع الخلايا كلها جمب بعضها بمعادلاتها في مقارنة و اكتب الكاثود و الانود لكل خليه و كل ما يخصها و حل فيها مسائل بقدر كويس
8 - و بعد كدا الباب اللي تخلصه حل عليه من الامتحانات و تبدأ تحل امتحانات كاملة من اول شهر 3 ان شاء الله
9 - الناس اللي بتذاكر كيمياء لوحدها من غير درس
احب اقولك ماتقلقش تقدر تقفل الكيمياء ان شاء الله
☆ اهتم بيها و اديها حقها و حل كتير
☆ شوف شرح علي النت للحاجة اللي بتقف قدامك
☆ اتقل حاجة عندكم في المنهج هي العضوية و بعد كدا الكهربية ، انت ممكن تبدأ بالعضوية و لما توصل لنصها (البنزين) تبدأ تراجع عليها مع مذاكرة باب الانتقالية
☆ و لما تراجع النصف دا كويس ابدأ في النصف التاني من العضوية و لما تخلصه راجع عليه هو و النصف الاول مع مذاكرة التحليلية و لما تخلصه كدا هتكون مخلص 3 ابواب راجعهم كويس و حل عليهم كتير و بعد كدا ابدأ في الكهربية أو الاتزان زي ما تحب و ترتاح ... ملاحظات د.عبد الله .
ليست هناك تعليقات:
إرسال تعليق